bookera.site

 ہم بگرام ایئربیس افغانستان سے واپس لینے جا رہے ہیں، صدر ٹرمپ کا اعلان واشنگٹن (ڈیلی پاکستان آن لائن) امریکہ کے صدر ڈونلڈ ٹرمپ نے اعلان کیا ہے کہ وہ افغانستان سے بگرام ایئر بیس واپس لینے جا رہے ہیں۔ ایک نیوز کانفرنس سے خطاب کرتے ہوئے انہوں نے کہا کہ وہ افغانستان سے باعزت طریقے سے نکلنا چاہتے تھے۔ ہم بگرام ایئربیس اپنے پاس رکھنے والے تھے۔ یہ دنیا کے سب سے بڑے فضائی اڈوں میں سے ایک ہے لیکن ہم نے یہ مفت میں افغانستان کو دے دی۔صدر ٹرمپ نے کہا کہ وہ یہ ایئر بیس واپس لینے کی کوشش کر رہے ہیں، یہ ایک بریکنگ نیوز ہے کہ ہم اسے واپس لینے جا رہے ہیں۔  اس کے واپس لینے کی ایک وجہ یہ بھی ہے کہ یہاں کے تنگ راستے سے چین نیوکلیئر ہتھیار بنا رہا ہے۔

امریکا نے فیٹینیل کی سمگلنگ میں ملوث بھارتی کاروباری شخصیات کے ویزے منسوخ کردیے نئی دہلی (ڈیلی پاکستان آن لائن) امریکا نے فیٹینیل کی سمگلنگ میں ملوث بھارتی کاروباری شخصیات کے ویزے منسوخ کردیے ہیں۔ نئی دہلی میں امریکی سفارت خانے نے کچھ ہندوستانی کاروباری ایگزیکٹوز اور کارپوریٹ رہنماؤں کے ویزے منسوخ کر دیے اور بعد میں انہیں جاری کرنے سے انکار کر دیا۔یہ اقدام فیٹینیل پری کرسرز کی اسمگلنگ میں ملوث ہونے کی بنیاد پراٹھایا گیا ہے۔ فیٹینیل (Fentanyl) ایک نہایت طاقتور افیونی دوا (opioid drug) ہے جو عام طور پر درد کے شدید علاج کے لیے استعمال کی جاتی ہے، خاص طور پر کینسر کے مریضوں میں جب دوسری درد کم کرنے والی دوائیں مؤثر نہ ہوں۔

...